AMARA BERRI

   Amando-k hasiera batean hedabideei buruzko ezagutza eskasa izanik, mundu hau ikertu eta abian jarri du proiektu hau, honen ondorioz, ikasleekin dabil hau guztia aurrera eramaten eta uneoro hedabideak irekita egoten dira.

Eskolako web orria, oinarrizko tresna omen da, eta hedabideek haurren ikaskuntzan izugarrizko garrantzia dutela dio, eskolan egindako guztia zabaltzen baitute honela.

Baina nola funtzionatzen du Amara-Berri sistemak?

 Sare batek bezala funtzionatzen du, Donostin bost zentro egonik. Azpimarratu behar da, eskola guzti hauetan berdin ikasten dela. EH-an 20 eskola daude Amara-Berri sistema jarraitzen dutenak, horrez gain, esan, Katalunian, Kantabrian eta Kanariar irletan ere abian jarri dutela. Sistema honek, haur hezkuntza eta lehen hezkuntza biltzen ditu.

Nola egiten dute lan?

·        Txokoetan, inoiz ez klase magistralik. Batzuetan lan indibiduala, hala ere, gehienetan kolektiboa. Era honetan, proiektu desberdinak eramaten dituzte aurrera, proiektu guztien baturak curriculum-a sortzen du.

·           Testu liburua ez da existitzen, gauza guztiak modu praktikoan ikasten dituzte: “eginez ikasi”.

·               Lana departamentutan egiten da (matematika, hizkuntza…)

·           Adin-nahasketa dago. Ikasleak, zikloka elkarrekin lan egiten dute, beraz, helduenek txikienei irakasten diete, ekintza guztietan dinamizatzaileak helduenak izaten dira.

·  Liburutegiak eskolan garrantzi handia. Lan askok hasiera liburutan badute, amaiera hedabideetan dute.

·     Egiten duten lan guztiek benetako zentzu bat edo irteera bat izan behar dute. Egiten den guztia, ikasleak berak nahi duelako egin behar da.

Esan behar da, hedabideak lau direla, horien artean: telebista, prentsa, irratia eta txikiweb-a. Hedabide hauekin zer lortu nahi da? hedabideak gelan egiten denlan horri zentzua emateko daude (teknologia munduan barneratu), beraz, tresna bikaina da ikt-ak ikasteko; hau guztia ikasle batek besteari irakasten dio. Beraz zer egiten du irakasleak? Kate hau beti ez da zuzena izaten beraz irakasleak bideratzaile lanak burutu beharko ditu, alde teknikoak konpontzen lagundu beharko du, antolaketan, eta gainera alde gizatiarra bideratzen.

Halaber, esan, Amara-berri sisteman ebaluazioa aurrera eramaten dela, baina ebaluazioaz gain, autoebaluazioa ere burutzen dela. Autoebaluazioa azken finean, jardueraren bat egin orduko egiten den kritika bat izaten da: zer iruditu zaien, nola sentitu diren…hobetzeko kritika eginez. Irakasleak ebaluatzerako garaian autoebaluazioa ere kontuan izango du. Hala eta guztiz ere, hedabideetan egindako lana ez da ebaluatzen, beraientzat hedabideak lana bideratzeko lana baitira.

Hedabideekin jarraituz, zera aipatu du, ikasleak hedabideetatik sei aldiz pasatzen direla kurtsoan zehar, bi aldiz jarrian, hau da hamabi aldiz guztira, honekin zera ziurtatzen dute, ikasleek alderdi teknologikoa nahi gabe ikastea. 
Lehen aipatu bezala, hedabideak lau dira:

1        Telebista: ikastetxean zirkuitu itxi bat dute, eta telebistan grabaturikoa eskolan bertan  ikusten dute.

2      Prentsa: albistez, inkestaz, “kontu-kontari”, “saski-naski”, etab.-ez osatutako atalak    jasotzen ditu. Benetako kazetari sentitzen dira. Horrez gain, egunkaria interneten ere      txertatzen dute. Prentsak hiru hizkuntzak jasotzen ditu: euskara, gaztelania eta ingelesa.

3          Irratia: zuzenean auzo osoan entzuten da. Interneten ere entzun daiteke irratia, hau web orria egiten dutenek sartzen dute.

4         Txikiweba: web orri bat da, bertan haurrak argazkiak kokatzen ikasten dute, hautatzen,  etab.